اولا بنبارك لاخوانا و اخواتنا الاهلويه على الفوز بكاس مصر اللى بصراحه كان من امتع المطشات اللى اتفرجت عليها فى حياتى
الموضوع اللى هنتكلم فيه النهارده غريب شويه و ارجو من الجميع زملكاويه و اهلاويه المشاركه فى الموضوع
الموضوع عباره عن سؤال و منتظرين ردودكم
السؤال هو انت ليه بتشجع الزمالك او الاهلى
يعنى هل لما اتولدت لقيت العيله اهلاويه او زملكاويه فبقيت زيهم يعنى بمعنى اصح زملكاوى او اهلاوى بالوراثه
مستنيين كل واحد يقولنا هو ليه بيشجع النادى اللى بيشجعه دلوقتى
هبدأ بنفسى
انا فى بدايه عمرى مكنتش زملكاوى او اهلاوى بس كنت بشجع لاعب واحد بس فى الكره المصريه الا و هو الاسطوره حسام حسن
فكان المطش اللى الاهلى بيلعبه و فيه حسام حسن كنت بتفرج عليه و اذا حصل و حسام اتغير فى وسط المطش كنت بسيب المطش و بقوم
و استمر الحال ده لغايه لما راح حسام حسن لنادى الزمالك فكنت برضه اتفرج على مطش الزمالك اللى فيه حسام حسن و لو اتغير فى وسط المطش برضه كنت بسيب المطش و بقوم
لحد لما حسام راح النادى المصرى و بما ان التليفزيون مش بيذيع مطشات النادى المصرى فانقطعت علاقتى بالاسطوره حسام حسن
و قررت انى اختار نادى اشجعه بعيدا عن موضوع مشجع بالوراثه يعنى مش شرط علشان والدى اهلاوى ابقى اهلاوى او والدى زملكاوى يبقى لازم ابقى زملكاوى
و لما قرأت تاريخ نادى الزمالك احسست ان نادى الزمالك يمثل جزء كبير من شخصيه المواطن المصرى
* فلقد تعرض نادى الزمالك للعديد من الازمات الماليه ادت الى نقل مقره ثلاث مرات و كذلك المواطن المصرى يتعرض كل يوم لازمات ماليه لا يجد سبيلا للتخلص منها
* تعرض و يتعرض نادى الزمالك لظلم واضح من اتحاد الكره ففى واقعه من اغرب الوقائع كانت فى ايام الكابتن حسن شحاته
كانت المباراه بين الاهلى و الزمالك و كان الزمالك يحتاج اللى الفوز فى هذه المباراه للحصول على بطوله الدورى و كانت المباراه تلفظ انفاسها الاخيره و كان حكم المباراه هو الكابتن محمد حسام و جاء الكابتن حسن شحاته و سدد كره من على خط التمنـتاشر صاروخ سكنت شباك الاهلى و وسط فرحه لاعبى الزمالك فوجئوا باحتسب الهدف على انه تسلل مع انه خرج من قدم الكابتن حسن شحاته على مرمى الاهلى دون ان يشترك احد فى الكره و كانت منطقه جزاء الاهلى مليئه بلاعبى الاهلى بما ينفى اى شبهه على اى لاعب فى الزمالك بوجود حاله تسلل
... و فى هذه الايام حينما يسأل اى شخص الكابتن محمد حسام على كره الكابتن حسن شحاته كانت تسلل يظل يضحك و كأن من امامه قاله نكته
* فى حرب 1967 كان المطلوب من كل مدن القناه هو تهجير عائلاتهم و المجئ الى القاهره حفاظا عليهم من الغارات الاسرائيليه و لما جاءت فرق مدن القناه الى القاهره (((الاسماعيلى المصرى السويس))) طلبت من ناديي الاهلى و الزمالك التدريب على ملاعبها فرفض النادى الاهلى ان يقوم احدا بالتدريب على ملاعبه فى حين رحب كل من الترسانه و الزمالك بهذه الفرق للتدريب على ملاعبها و هذا هو الانسان المصرى الذى يساعد اخوانه المحتاجين الى يد العون
* و نرى ايضا فى هذه الايام اتحاد الكره يؤجل للاهلى مباريات بالجمله فى حين يرفض تأجيل اى مطش للزمالك او للاسماعيلى فى نفس البطوله
*** و مقارنه ذلك مع المواطن المصرى نجد اتحاد الكره المتمثل فى الحكومه يحابى النادى الاهلى المتمثل فى (( رجال الاعمال اللى بياخدوا فلوس الناس و يهربوا برا مصر
))) على نادى الزمالك المتمثل فى جميع طبقات الشعب المصرى الباقيه اللى احنا منهم
و لذلك قررت انى اكون زملكاوى للابد لانى احب ان اكون مصرى و من اشجعه يمثل شخصيه المصريين فى حلوها و مرها و لا يهمنى ان يفوز الفريق للابد لاشجعه
ما امريكا بتكسب على طول هل معنى ذلك انى اشجعها (( لأ طبعا)))
و بعد ان انتهيت اتمنى من الجميع انه يكتب هو ليه بيشجع ناديه
الرئيسية 
البوابة 
أحدث الصور 
التسجيل 
دخول 
موضوع: لماذا تشجع الزمالك او الاهلى 
الأربعاء يوليو 04, 2007 8:12 am
)
) دون ذكر اسماء نوادى خاصه.
) بس المهم عندى انه يفوز باى شكل وخلاص وده يبين حبى الشديد للنادى الاهلى المصرى و لو انا اهلاوى وخلاص مكنتش عملت جروب باسمه ولا
